Es isch wieder mal Sunntig in Zermatt. Scho länger dunkel und ich han de Tag im Bett und mit Wösch mache und ufrume verbracht. Vier Täg lang z dritt im Studio macht eifach es riese Chaos. Aber es isch lustig gsi, definitiv!!! Schad, dass sie wieder weg sind, defür chan ich jetz wieder in Usgang wen ich wot und niemert wot mir defür es schlechts Gwüsse irede. Hihi.
De Dezember isch en Monet voll Party gsi: viel dance und singe. Rotwii, warme Wii und anderi Sache wo warm gend. Partymarathon & ones in a lifetime.
Zermatt mobbt mich! Es isch im Fall ned lustig, bää ;-) !!!
Defür han ich au neui Talent entdeckt. Ned dass ich guet chan singe, aber singe chan ich glaub trotzdem. Au mit heiserem Hals. Isch zwar ned so gsund, aber was sells. Damit eim de Chef chan azünde. Und will Huestezältli und Antitussi-Sirup ja so fein sind. Hed amel no immer glängt zum mit de Chunde pläuderle. Und jetz chömed ja den eh d Russe, wer will scho mit dene rede...
Eigentlich mag ich jetz gar ned schriebe. Viel z fuul. Bin ja au vom letzte Samtig a bis gester (ebe au Samstig) jede Abig unterwegs gsi. Gueti Neujahrs-Vorsätz han ich natürlich wieder mal ned. Aber ich wünsche mir no viel Fun für die restliche zwoi-drittel. Jibbi jibbi juuuhh.